Mánadagin 18. mai koma allir flokkar aftur í skúla uttan 10. fl., sum møtir týsdagin 19. mai.

Miðað verður ímóti at fylgja vanliga undirvísingartímatalinum í so stóran mun, sum til ber. Tó verður eingin svimjing/ítróttur 18. mai – 19. juni.

Útgáva 2.0 av vegleiðingini fyri stigvísa og varliga upplating av skúlum og frítíðartilboðum frá 7. mai er enn galdandi.

  • Skúlin skipar skúlagongdina við grundarlagi í vegleiðingini, tillagað til umstøður og karmar á okkara skúla
  • Skúlin letur upp kl. 7.50
  • Allir flokkar møta í sínari stovu, og inngongdirnar eru broyttar fyri nakrar flokkar
  • Inngongdin hjá 1. og 2. fl. er ikki broytt. Tey koma oman í skúlagarðin og ganga inn gjøgnum hurðina hjá tannlæknanum
  • 3., 4. og 5. fl. ganga oman í skúlagarðin og brúka neyðhurðina til teirra floksstovu
  • 6. fl. brúkar neyðhurðina móti Kirkjuánni
  • 7. fl. skal nýta neyðhurðina niðan móti Skúlavegnum, sum er beint yvir av teirra skúlastovu
  • 8. og 9.fl. koma inn gjøgnum høvuðsinngongdina úr skúlagarðinum
  • Allir flokkar eta matpakkan inni í sínari stovu og á sínum plássi
  • Øll skulu úr skúlastovuni og út í fríkorterunum, tí borð, stólar og handtøk verða sprittað
  • Kunnið tykkum um viðurskiftini hjá einstøku flokkunum á flokssíðunum

 

Leiðslan

© Sørvágs skúli | Skúlavegur 13 | FO-380 Sørvágur | Faroe Islands | Tel. +298 363222 og 233221/233222 | This email address is being protected from spambots. You need JavaScript enabled to view it.