Í dag, 21.mars, er altjóða down dyndrom dagur, og hesum gjørdu vit eitt sindur burturúr í morgunløtuni.

Sum vanligt bóðu vit Faðir vár og sungu ein sang. Í morgun sungu vit "tey standa og vagga og tráa," sum snýr seg um ymiskleika millum dáa og øks. Í einum ørindi sigur dáin: "eg havi væl loyvi at liva her líka so væl sum tit."

Síðan greiddi Joan frá, hvat down syndrom er. DNA-ið í menniskjum hevur vanliga 23 kromosompør, men hjá teimum, ið hava downs, er tað 21. parið ein trio. 

Hans Christian í 5. flokki segði eisini frá hvussu tað er at eiga ein lítlan beiggja, sum hevur down syndrom. 

 

 

At enda kundu tey børnini, ið ynsktu tað, fáa blátt neglalakk í vinstra tummil.