Søkt verður eftir einum lærara og einum námsfrøðingi til serskúlatilboðið Pallin í Sørvágs skúla.
- 1 lærara í tíðaravmarkað fulltíðar starv skúlaárið 2022/23
- 1 námsfrøðingi í tíðaravmarkað starv skúlaárið 2022/23 - setanarbrot 0,80
Frágreiðing um Pallin
Tilboðið er eitt samstarv millum Sernám, MMR og skúlarnar í Vágum at bjóða næmingum við avbjóðingum í fólkaskúlunum eitt nøktandi felagstilboð.
Í skúlatilboðnum ganga 12 næmingar úr skúlanum á Giljanesi og Sørvágs skúla.
Starvsfólkini arbeiða undir ábyrgd leiðslunnar í sjálvstýrandi toymum og skipa seg í samstarvi við allar partar.
Tey, ið sett verða skulu
- verða fyrikomandi og hava jaligan hugburð mótvegis næmingunum
- hava áræði at taka ábyrgd
- duga at samstarva í toymum
- duga at hugsa uttanfyri rammur – hugsa kreativt
Førleikakrøv
Lærarin
Lærarin eigur at hava førleika at undirvísa grunddeild, miðdeild og hádeild annaðhvørt náttúrulærugreinar og/ella hugvísindalærugreinar.
Starvið verður sett sum sáttmálasett starv, uttan so, at tann, sum settur verður, er tænastumannasettur frammanundan.
Lærarastarvið er lønt sambært avtalu millum Føroya Lærarafelag og Fíggjarmálaráðið í lønarflokki 18.1 – 29.2.
Námsfrøðingurin
Umsøkjari skal hava prógv sum námsfrøðingur, tó kunnu umsøkjarar, sum fáa prógv í summar søkja á jøvnum føti við tey, ið longu hava lokið prógv. Viðkomandi royndir kunnu vera ein fyrimunur.
Um eingin námsfrøðingur søkir starvið, kann annar umsøkjari setast í tíðaravmarkað starv sum hjálparfólk skúlaárið 22/23.
Námsfrøðingurin, ið settur verður, er løntur sambært avtalu millum Føroya Pedagogfelag og Fíggjarmálaráðið.
Nærri kunning um størvini fáast við at venda sær til Eyð Niclasen, skúlastjóra, á tel. 233222.
Umsóknir við avriti av prógvi, CV og møguligum viðmælum skulu stílast til This email address is being protected from spambots. You need JavaScript enabled to view it. - viðmerk umsókn Pallurin.
Umsóknarfreistin er hósdagin 26. mai kl.12.00.
Kunning um Sørvágs skúla: sor.fo
Virðisgrundarlag
Eg vil - Eg dugi - Eg kann
Her hava vit virðing fyri okkum sjálvum og øðrum!
Her er opið og mennandi samstarv millum heim og skúla!
Her er undirvísingin viðkomandi og avbjóðandi!
Í okkara skúla skulu øll hava møguleikar at læra!
Málið er læring, menning, trygd, og trivni.
Áhugi elvir til læring.
